Ізраільскія вайскоўцы заявілі, што выявілі запускі ракет з тэрыторыі Ірану ў бок Ізраілю.
Выданьне The Times of Israel пазьней паведаміла, што адна з ракетаў трапіла ў сяміпаярховік ў Бэер Шэве і што загінулі людзі.
Ізраільскі міністар абароны Ізраіль Кац загадаў правесьці высокаінтэнсіўныя апэрацыі супраць цэляў у Тэгеране ў адказ на парушэньне Іранам перамірʼя, перадае Reuters.
Прэзыдэнт ЗША Дональд Трамп заявіў журналістам перад адлётам на саміт NATO, што абедзьве краіны парушылі перамір’е і што ён незадаволены Ізраілем. Паводле яго, перамір’е захоўваецца, а Ізраілю трэба «супакоіцца».
ГЛЯДЗІЦЕ ТАКСАМА: Трамп: Перамір’е паміж Іранам і Ізраілем уступіла ў сілу