Як адзначаецца ў Telegram-канале Палаты прадстаўнікоў, законапраект ухвалілі ў другім чытаньні.
Праект закону прадугледжвае абавязак бацькоў абараняць дзяцей ад інфармацыі ў інтэрнэце, якая наносіць шкоду здароўю і разьвіцьцю.
Апроч таго, цяпер цацкі, якія паўтараюць герояў кампутарных гульняў ці фільмаў, будуць лічыць «інфармацыйнай прадукцыяй», якую можна распаўсюджваць толькі з прысваеньнем ёй знаку ўзроставай катэгорыі.
Праект закону зьмяшчае таксама норму аб забароне асобам, «якія ўчынілі злачынствы экстрэмісцкай накіраванасьці» або зьвязаныя з распаўсюджваньнем наркотыкаў, займацца пэдагагічнай дзейнасьцю.
Паступаючы на працу зь дзецьмі, фізычныя асобы маюць падпісаць абавязаньне аб недапушчэньні парушэньня правоў дзіцяці на недатыкальнасьць асобы, на абарону ад эксплюатацыі, гвалту і жорсткага абыходжаньня.
Наймальнікам дазволяць праводзіць псыхалягічныя сумоўі з асобамі, якіх плянуюць прымаць на працу зь дзецьмі.
Форум